Tirana Bank dhe Kryqi i Kuq Shqiptar bëhen bashkë për Ditën Ndërkombëtare të Vullnetarizmit

Me rastin e Ditës Ndërkombëtare të Vullnetarizmit, Tirana Bank në bashkëpunim me Kryqin e Kuq Shqiptar organizoi një aktivitet të veçantë në Mensën Sociale, ku shpërndanë vaktet e ngrohta për ata që kanë më shumë nevojë.

Tirana Bank me angazhimin e saj të vazhdueshëm në fusha të ndryshme të përgjegjësisë sociale, ka dëshmuar edhe këtë vit përkushtimin ndaj komunitetit. 

Ky aktivitet, që tashmë është kthyer në një traditë, përfaqëson jo vetëm një simbol të bashkëpunimit të suksesshëm me Kryqin e Kuq Shqiptar, por edhe një shembull se si bizneset mund të jenë një shtyllë e rëndësishme në mbështetjen e nismave humanitare.

Falenderime të përzemërta për vullnetarët e Kryqit të Kuq dhe stafin tonë të përkushtuar që i dhanë jetë këtij aktiviteti.